Það var ekki hrint mér í leikfimi í dag.

Þótt trén séu almennt stærri í Noregi en á Íslandi..


...þá eru setningafræðilegu trén í íslensku stærri...

Svitalykt

úff, það er megn svitalykt í tölvustofunni í Árnagarði

Barnablogg

ótrúlega finnst mér hallærislegt þegar ungabörn eru látin verða málpípur mæðra sinna á Barnalandssíðum þegar þær eru pirraðar út í pabbann.. eitthvað eins og:

"pabbi kom og náði í mig í dag, en hann kom svo seint að ég og mamma þurftum að bíða og bíða, vonandi gerir hann þetta ekki aftur, mér finnst það svo leiðinlegt".
(uppspunnið dæmi, en hef þó séð þau nokkur svipuð).

Reyndar finnst mér yfir höfuð hallærislegt að leggja barninu sínu orð í munn á þennan hátt, "ég er rosaduglegur strákur, svaf í alla nótt án þess að vakna og pissa" - hver segir svona?

ojæja, sjáum til ef og þegar maður fer sjálfur að eignast börn, en þangað til má ég alveg pirra mig á þessu...




...p.s. ég er orðin ástfanginn. Hann er með ljóst hár, vel vaxinn, með blá augu, bústna vanga og pínulitla putta, heitir Geir og móðir hans heitir Sigríður. Þetta er hins vegar skrifunum hér að ofan algerlega óviðkomandi.

Á barmi taugaáfalls í annarlok

Þú ert ljót, Litla ljót, við erum fríðar

dansa útúrflippað...fliflifliflippað

dæ ræ ræ....


ræ

Dindirin dindirin dinridin danja dindirindin

Gaman í gær.

Nú veit ég af hverju þeir kalla þetta stórtónleika


-Bíddu eru þau komin á sviðið?
-Nei, þetta eru rótararnir.
-Af hverju eru allir að klappa núna?
-Af því hann var að fara úr jakkanum.
-Ahh ok.
-Hei, hver er að spila á þetta píanó? Hvað eru þau eiginlega mörg á sviðinu? Bíddu er þetta hann eða hún að syngja?

note to self: stúku næst

String Emil vinur okkar en ennþá 'i fullu fjöri, mæli með Naturpark seríunni

*helv. Arnagardstolvur, nu eru allir isl. stafir dottnir ut.*

En tad er longu kominn timi a ad baeta inn honum Helga fraenda og sambloggurum hans a listann hja mer

...og henni Nelli saetu..

Gleðilegan dag íslenskrar tungu!

Hundraðkallinn 342 ára

Til hamingju allir Árngerðingar.
Í dag fyrir 342 árum fæddist Árni Magnússon, patrón Árnagarðs og stórmenni.

Í gær, fimm mánuðum eftir að ég lauk öllum prófum úti á Spáni, barst mér loks bréf með einkunnum, vel stimplað og undirskrifað af henni Mercedes á Erasmus-skrifstofunni í Alcalá. Til að fá þetta bréf þurfti ég að hringja margt símtalið, senda margan póstinn, og var farin að hljóma ansi histerísk undir lokin í þessum skrifum mínum, enda orðið langt síðan ég átti að vera búin að fá námslánin fyrir síðustu önn. Ég vissi svosem að allt svona tæki aðeins lengri tíma þarna suðurfrá heldur en hér í norðrinu, en það sem ég varð mest hissa á var að ég var búin að fá flestar einkunninar viku eftir að ég kláraði hvert próf. (nema í einum kúrs, þar sem kennarinn bar því við að það væri svo heit úti að hann gæti ekki unnið).

En loksins eru þær komnar, einkunnirnar, og skemmtilega fjölbreyttar, allt frá 5 og upp í 10.. en allar saman hjálpa þær mér að fá námslánin mín hin langþráðu.......

life imitates art imitates life imitates art

Harpa og Sjöfn > Harpa Sjöfn hf > Flügger litir

Ég býst við að í upphafi hafi Stuðmenn skírt hina frægu persónu sína í höfuðið á málningarverskmiðjunum tveim, og þá var auðvitað tilvalið að sameina fyrirtækin, og ekkert nafn betra í heiminum en Harpa Sjöfn. Þess vegna finnst mér hálf glatað að nú sé eitthvað flugger kompaní úti í heimi búið að kaupa upp Hörpu Sjöfn, svo nú stendur á öllum skiltum: "Harpa Sjöfn heitir nú Flügger litir". Er til leiðinlegra nafn en Flügger litir?

Helvítis velmegunin

Ég kom á BÍL í skólann því TÖLVAN mín var svo ÞUNG.

Skrifborð óskast ókeypis eða gefins

Má vera gamalt, og hafa verið í eigu mikils rithöfundar sem skrifaði á því ódauðleg listaverk. Má gjarnan vera úr gegnheilum dökkum við og ekki verra ef bólstraður leðurstóll í stíl fylgir.


(eða bara eitthvað skrifborð sem stendur á fjórum löppum og hægt er að læra við)

á sama stað óskast hlý vetrarkápa og gleraugu
s. 8682140.

Sniðugt í útlöndum III

týpísk samtöl í Alcalá feb-júl 2005:
ú=útlendingur
s=svanhvít

ú: ...Og svona segir maður 'mierda' á finnsku. Hvernig segir maður það á íslensku?
s: Skítur..
ú: Hahaha, ski-tour, svona eins og skíðaferð á ensku? Haha
s: ja, já eitthvað svoleiðis..

ú: Hvaðan ertu?
s: frá Íslandi
ú *blank*
s:..í norðri..
ú: já, á Norður-Spáni? (þetta var Spánverji)

ú: Hvernig virkar þetta með sólarhringinn hjá ykkur, ef það er ekki sól, hvernig getur þá verið dagur?
s: það er bara þannig, við förum eftir klukkunni, ekki ljósinu.
ú: Haha, þá getið þið ekki talað um að vinna myrkranna á milli, hahaha
annar ú: haha, djöfull væri það langur dagur á sumrin, haha.
s: já... ha... ha...

ps. á finnsku þýðir frasinn 'katso merda' 'horfðu á hafið'. Í ítölsku þýðir sami frasi eitthvað eins og typpakúkur.. (mjög vúlgar, eitthvað sem maður segir ef maður gerir eitthvað mjög slæmt óvart, eins og að klessa á bíl eða brjóta eitthvað.)

Miðannargyðjan

Verkefnavika, rannsóknarvika, kennsluhlé, æfingavika, "álagsvikan mikla", frí, það er sama hvað hún er kölluð, hún er kærkomin gyðja á miðri önn, og glæðir von í hjörtum íslenskunema og annarra sem eru svo heppnir að njóta hennar við.

Ég krýp á kné og drýp höfði í lotningu, heill þér, himneska gyðja.

Kúla á hausinn

Í dag fékk ég kúlu á hausinn. Ég var að smíða plasthús (já, hressilegt að hrista af sér skólaslenið með því að byggja eitt plasthús eða svo) og gekk svo snilldarlega á járnbita sem var einmitt þar sem hann átti ekki að vera, í hæð þar sem maður sér hann ekki. Ég var lengi á eftir svona eins og Tommi í Tomma og Jenna, þegar hann er laminn með svona risasleggju og sér gula fugla fljúga kringum hausinn á sér.

Þegar ég var búin að jafna mig var mér sagt að allir sem voru að vinna við þetta hús höfðu rekið sig þarna í, og hver og einn oftar en einu sinni. Þá var líka bundinn strigi í bitann svo það gerist örugglega ekki aftur.

En það var fínt að spjalla við gamla kallinn sem ég var að smíða með, hann notaði svona verkamannaorðatiltæki eins og "...nei þetta er ekkert mál, bara eins og að drekka hland með nefinu", og þegar hann lamdi með sleggju beint á þumalputtann kvartaði hann sko ekki heldur hélt áfram að vinna, á meðan blóðið flæddi um allt.
Ég gæti ekki verið smiður.

Í gærmorgun vaknaði ég við það að köttur réðst á mig. Ég var svona milli svefns og vöku, og það var það sem varð mér til lífs, því ég náði að bera fyrir mig hendinni og kasta honum niður á gólf. En svipurinn á kvikindinu er eitthvað sem ég mun aldrei gleyma, þegar ég í svefnrofunum sá hann stökkva á mig með hárbeittar klærnar út í loftið, eins og han hafi verið að bíða eftir að bráðin gæfi á sér færi. Nú er ég öskureið út í köttinn, og sýni héðan í frá enga vægð við að henda honum út úr íbúðinni þegar hann læðist inn.

ps. tók út af síðunni þetta blóm sem skaut víst upp kollinum í sumum tölvum, því var ofaukið.

Til að leiðrétta algengan misskilning síðustu daga þá er ég ekki dökkhærð. Það var lygi. Ég er hins vegar 197 sentimetrar á hæð og hefur tekist að fela það með eindæmum vel.

Rok

FaxaSKJÓL er rangnefni

Sá sem skildi eftir kristal plús flösku í ísskápnum heima eftir innflutningspartíið 24. á skilinn hægan og kvalafullan dauðdaga, eða svo ég vitni í bloggið hennar Uglu laugardaginn 16. júlí (þar sem hún talar um hljómsveitina Hjaltalín):

"X má éta skít, hoppa ofan í drullupoll, gubba upp í munn félaga sinna með sama lundarfar, falla á mætingu, falla í lífsleikni, vera nafngreindur í útvarpi fyrir eigin skít og svínarí og að lokum verða útskúfaður úr samfélagi hinnar heilögu köngulóar."


Sú flaska innihélt nefnilega ekki vatn, heldur vodka eins og ég komst að þegar ég tók gúlsopa úr henni um daginn.


Takk fyrir.

Nú þarf ég víst að halda áfram með þennan sjálfhverfa leik sem gengur út á það að nefna fimm staðreyndir um sjálfa mig, en hann Orri ofur klukkaði mig.

1. Ég veit ekkert hvað ég ætla að verða þegar ég verð stór, og þetta er óhagganleg staðreynd, þar sem ég verð áreiðanlega aldrei stór. Mest langar mig að taka allt sem kennt er í Hugvísindadeild, en sé ekki að mér endist ævin eða námslánin til þess.

2. Ég borða ekki ennþá ólívur og drekk ekki kaffi, þrátt fyrir margvíslegar tilraunir og hálfs árs aðlögunartíma á Spáni, kaffidrykkju-og-ólívuétandi landi heimsins, skólavist í MH, kaffisvelgi sem foreldra og 4 ár í vinnu í Storð þar sem kaffi er lífsvökvinn.

3. Þegar ég fæddist var ég með naflastrenginn vafinn tvisvar utanum hálsinn, og hefði ég ekki haft svona góðan lækni og ljósmóður væri hvorki ég né þetta blogg til. Læknirinn man ennþá eftir mér og spyr mömmu reglulega um mig þegar hann hittir hana.

4. Ég er í alvörunni með svart hár, eyði þúsundum í hverjum mánuði í aflitun. (þetta vita ekki margir)

5. Ég þoli ekki rúsínur í kökum, uppgerðar-norðlenskan hreim, hljóðið í ísskápnum, að vera með skítugt hár, og fólk sem talar hátt.

ég klukka Sigurrósu.

ég erann í klukkleiknum. kemur bráðum-busy núna.

Er þetta ekki fagurt merki??

Ég sá rottur í körfubolta í Finnlandi.

Kvedja frá Finnlandi. ég er ad upplifa baedi típískt og ekki svo típískt Finnland. Í gaer (fyrsta daginn)fórum vid í ekta allsbera saunu, alveg upp í 90 grádur, en thá vard ég líka ad halda fyrir vit mér og thegar ég andadi var thad eins og ad fá eld ofan í lungun. Ég fer örugglega aftur í saunu í kvöld og aetla ad standa mig betur.

I gaer fórum vid líka á mjög furdulegan skemmtistad sem heitir Eatz og er latino/sushi/ástralskur stadur... soldid mikid kitch og furdulegt andrúmsloft, en Niina er mikill salsadansari og thetta er sirka eini stadurinn thar sem haegt er ad dansa salsa vid alvöru latínógaura. Hún blómstradi alveg en vid hinar vorum eins og aular, tví thad er ekkert haegt ad dansa tharna ef madur kann ekki salsa. Svo vid neitudum hverjum sveitta latínófautanum á faetur ödrum um dans og tókum svo naeturstraetó heim, thar var mikid um ölvun, vaegast sagt. Thetta er bara alveg eins og heima, nema allir stadir loka klukkan 3! Thad fannst mér skrítid.

Jaeja, ég er a leidinni a utitonleika med Rasmus og fleirum.. Moi!

Sniðugt í útlöndum:

FINNLAND
Eins og allir vita drekka Finnar mikið. Þeir drekka sterkt áfengi í tunnutali og það sér ekki á þeim fyrr en á ca. sjöundu tunnu. Þá fara þeir að tala sænsku og það er fyndið. Úti á Spáni kynntist ég fjórum Finnum, hverja ég ætla að fara að hitta á fimmtudaginn. Þessir Finnar sögðu mér frá ansi skemmtilegri hefð sem viðhefst í háskólum.

Allir háskólanemar eiga galla. Djammgalla. Og þá meina ég galla, í orðsins fyllstu merkingu , sbr samfesting, álíka og bifvélavirkjar nota við vinnu sína. Þessum göllum klæðast nemarnir þegar þeir fara á djammið, og geta þá drukkið og ælt og hellt niður á sig að vild, OG - sem er eiginlega betra - þurfa ekki að hafa neinar áhyggjur af hverju þeir eiga að fara í á djammið. Eru þá oftast bara í joggingbuxum innanundir eða einvherju þægilegu.

Galla þessa skreyta þeir svo með barmmerkjum, bótum, fánum, límmiðum og þess háttar, og er markmiðið skilst mér að vera sem frumlegastur og dónalegastur í þessum merkingum. Hver háskóli hefur sinn lit, og svo þegar skólarnir hittast eru nemendurnir í öllum regnbogans litum.


Þetta finnst mér skemmtileg hefð.

Pistillinn Sniðugt í útlöndum eftir Svanhvíti Lilju Ingólfsdóttur

TÉKKLAND
Í Prag er mjög gamalt og skemmtilegt almenningssamgöngukerfi. Maður er frekar lengi að komast á milli staða, og þarf að skipta svona 3 sinnum á leiðinni í gegnum bæinn, og prófa strætó, sporvagn og metro í hverri ferð, en maður þarf aldrei að bíða lengi eftir hverjum vagni. (amk þegar ég fór með tékkneskri vinkonu minni sem kunni mjög vel á kerfið).

Þar eru miðar keyptir í sérstökum sjálfsölum, gulum kössum sem standa víða um bæinn, og þeir eru svolítið skemmtilegir. Þeir hafa persónuleika, eða það halda amk Tékkar, og finnst öruggara að styggja þá ekki, og strjúka þá blíðlega þegar þeir vilja ekki prenta út miðann eða gefa til baka. Þess vegna er gul málningin alveg máð af á stórum parti á kössunum. Ég hélt fyrst að vinkona mín væri að grínast þegar hún sagði mér þetta, en svona er þetta á öllum sjálfsölunum. Mér finnst þetta sæt hefð, miklu betra en að sparka og blóta.

Næst verður fjallað um Finnland og djammhefðir þar.















Almenningssamgöngur í Prag eru mjög fjölbreyttar.

Ég er greinilega orðin anime teiknimyndahetja - og bloggið ber tímabundið keim af því. Á þessari síðu er að finna ásamt Svanhvit Icebinder þau Gunnr Bryjelfr, Vigdis Brightblade og T'skaia Vorokoshiga'ar Ixtixtaaqitl't'chl'Vraihelt Ishkarat.

Ég er heví kúl svona með klær og vígtennur og vængi og risabrjóst og öll svona blá!

(blái liturinn hefur engar pólitískar skírskotanir)

Svona á að gera þetta

Ég er að leita að húsgögnum, ísskáp, fataskáp, skrifborði, kommóðu og fleiru, og kíki á hverjum degi á smáauglýsingar á netinu (eins og þessa um málvísindanemann) og þar er ýmislegt sniðugt að finna, ákvað að hjálpa þessum aðeins í að auglýsa, þetta var á gefins.is

"Óska eftir gefins peningum
Mig vantar 1000, 2000 og 5000 króna seðla gefins.

Engar kröfur um að seðlarnir séu í góðu ástandi, svo lengi sem þeir virka.

Tek einnig við millifærslum
Hafðu samband við:
Arnór Heiðar
Sími:869 7252"