Vinsamlega snertið ekki skjáinn!

Aldrei langar mig jafn mikið að snerta tölvuskjá og á tölvunum í Þjóðarbókhlöðunni.

...og NEI, ég átti ekki backup

FOOOOOOOOOOOOOOOOOOOOOOOOOOOOOKKKKKKKKKKKKKKKKKKKKKKKKKKKKKKKKKK

harði diskurinn á tölvunni minni er ónýtur.

Allt sem ég skrifaði í BA ritgerðinni og allt annað úr tölvunni er horfið.

Hvað á ég að gera?

Jarðskjálfti!

"Peningamálastefnumótun Íslands"

Það getur ekki verið skemmtilegt.

Bangsapabbi..

Íslenskunemar eru skemmtilegasta fólk í heimi!! Ég fer ekki ofan af því. Takk takk fyrir frábæra árshátíð öll, ég skemmti mér konunglega.

Ég sit núna við prófarkalestur hérna á Fréttablaðinu, umkringd alls kyns drykkjarföngum (óáfengum) til að hressa mig við eftir gærdaginn, af hverju fékk ég ekki frí í dag?

ps. af öllum orðum sem hægt er að klína aftanvið viðskeytinu -ó, fer orðið kæró mest í taugarnar á mér. Ekki af því ég á ekki kærasta.

*andvarp*



törnin búin... í bili


Annars er í gangi mikil umræða um passíusálmana, gaman að skoða hana, sérstaklega þegar Megas og hans skoðanir á sálmunum blandast inn í, það skondna er að ég var í þessu viðtali þegar hann mælti þetta allt (reyndar var allt sem ég sagði klippt út..) og trúleysinginn ég verð eiginlega að vera sammála honum.

Tvennt um íslensku í fjölmiðlum í dag

Þetta er frábær grein og lýsir mjög vel þeim vanda sem við eigum við að etja í íslenskunni. Og hana nú.

Hins vegar má sjá í Birtu eina mestu vitleysu sem ég hef séð. Hún er um hlutfall hinna ýmsu stjörnumerkja í íslenskum fræðum. Bull.

Kykvendi

Þessa dagana er gott að geta brugðið sér í allra kykvenda líki.

Nýtt húnsæði

Stundum er fyndið að prófarkalesa

Sá sem ekki fer í gott skap af því að sjá þetta hlýtur að hafa steinhjarta.

Kveðja úr próförkinni á Fréttablaðinu,
Svanhvít

Úff


Fátt annað hægt að segja á svona dögum. Eina ráðið er að horfa á nógu mikið af Matador og borða nógu mikinn ís. (og drekka nógu mikinn bjór myndi Þura segja)

Nú er ég að missa af einstöku tækifæri til að hlusta á dóttur Che Guevara segja frá ævi sinni og starfi á Kúbu og Rómönsku Ameríku. Hún er á Grand Hótel akkúrat núna og ég sit hér í Árnagarði og er svo uppgefin að ég meika varla að standa upp og fara heim. Það er ekkert grín að vera svín skal ég segja ykkur.

Annars er helst í fréttum að miðasala á tónleika ársins, Megas og Píslarbandið í Hallgrímskirkju 25 .feb. er hafin. Stúdentar og aðrir aumingjar fá miðann á 1500 en hafið samband ef þið viljið vera í miðasölu eða dyraverðir (þarf 4 slíka!), og þá fáið þið að sjálfsögðu frítt. Æ fokkitt, farin heim.


Af hverju gerir maður ekki eins og Maude Varnæs og går i seng alltaf þegar eitthvað bjátar á?

Heiðingi!! Heiðingi!!


Helst í fréttum af mér er að í gær skráði ég mig úr þjóðkirkjunni, og gæti ekki verið sáttari manneskja! Það er svo mikið frelsi að vera ekki háður neinu trúfélagi, og mér finnst ég geta nálgast þetta bákn alltsaman aðeins utanfrá, og líður eiginlega miklu betur að skipuleggja þessa passíusálmatónleika núna, þó einhverjum finnist það kannski hræsni.

Ég hef verið mjög tengd kirkjunni, og þá aðallega Skálholtskirkju, í gegnum tónlistina, og ég er langt í frá hætt að syngja sálma í kirkjum þó ég sé ekki lengur í þjóðkirkjunni. Það er gríðarlega sterk hefð á Íslandi fyrir trúarlegri tónlist, og það er að sjálfsögðu að miklu leyti kirkjunni að þakka að hljóðfæri voru fyrst flutt inn til landsins á 17. öld, og það er mikið til af dásamlegri trúarlegri tónlist, íslenskri og erlendri, sem unun er að hlusta á og flytja. Þessa tónlist hef ég alltaf getað flutt án þess að þurfa að lifa mig inn í textana og TRÚA því sem þar stendur, því hvar væri maður staddur ef maður ætti að trúa hverjum einasta texta sem maður syngur. Nú finnst mér ég geta sungið þessa texta án tvískinnungsins að EIGA að skilja þá og skynja sem eitthvað sérstakt sem snertir mig persónulega, en gera það ekki. Nú get ég sungið og lesið Passíusálma Hallgríms Péturssonar með arfleifð Íslendinga í huga, einlægar og fallegar lýsingar hans á trú sinni, frumlegt og snjallt myndmál og góð ráð til fólks á öllum tímum, sem ekki einskorðast við kristin gildi.

Ég hafði oft hugsað um að skrá mig úr þjóðkirkjunni, og vera utan trúfélaga, en í síðustu viku sauð uppúr og ég ákvað að láta verða af því. Og viti menn, þegar ég svo á mánudagsmorguninn kom út úr setningafræðitíma og labbaði mér niður á kaffistofu mættu mér, innan um öll kosningaáróðursborðin, tveir menn með plakat sem á stóð: Skráðu þig úr þjóðkirkjunni hér og nú! Ég gat að sjálfsögðu ekki tekið þessu öðruvísi en sem tákni, ekki aðeins vísbendingu, heldur skipun um að láta slag standa. Svo ég krotaði nafnið mitt á blað og afhenti mönnunum, og er nú utan trúfélaga, og sóknargjöldin mín fara í Háskólann, þar sem þeim verður vonandi vel varið.

Sverige

Ég heyrði hjá honum karli föður mínum svolítið skemmtilega skýringu á hinu furðulega landaheiti Svíþjóð.

Svo var því háttað að mikið var um næpurækt í því landi, þá brenndu menn sinu á stóru svæði og sáðu í það næpum, en sá jarðvegur var einmitt mjög hentugur fyrir næpurækt. Í löndunum í kring þótti þetta hallærislegt, þar þurfti ekki að svíða landið til að rækta, og kölluðu Noregur og Finnlandi landið furðulega Svið-þjóð... og þaðan ku* nafnið vera komið!

Ekki veit ég hvort þetta er alþýðuskýring sem enginn tekur mark á, en skemmtileg er hún, hvað sem hver segir.


*sá sem getur frætt mig um sögu sagnarinnar 'ku' má gjarnan gera það.

Kirkjan er oss kristnum móðir

Kirkjupólitík innan þjóðkirkjunnar er ein sú maðkétnasta og spilltasta sem ég veit.

Meira um það seinna.

Ó, synd, ó, syndin arga,
hvað illt kemur af þér.


Góð grein á Kistunni

Annars er ég á harðahlaupum þessa dagana, Mímir er kominn út í öllu sínu veldi og fæst til sölu hjá vefmeyinni, tónleikaplögg allt á fullu, Megas í Hallgrímsmkirkju 25. febrúar, og svo var ég að byrja í nýrri vinnu, við að lesa Fréttablaðið. Prófarkalesa, þ.e. Svo er allt að fara á fullt í BA-ritgerðarskrifum, og 4 öðrum kúrsum.

Þetta var smá öppdeit á lífi mínu þessa dagana, ég þakka þeim sem hlýddu.

hún er iðin við kolann, það er hún..

Þann 9. janúar 1983 fæddist ég. Þá var brjálað veður og mikil verðbólga.

Þann 9. janúar 2006 fæddist þrjúhundruðþúsundasti Íslendingurinn. Halldór Ásgrímsson kom þegar barnið var dagsgamalt og stumraði yfir móður og barni og myndaðist við að brosa framan í myndavélar. Ofboðslega er ég fegin að hafa fæðst fyrir 23 árum en ekki í ár.


Tvífarar dagsins: Ingi Einar og Björn Ingi




Ingi gæti alveg farið í svört jakkaföt og mætt brosandi í viðtöl og farið að tala eins og framsóknarmaður og hann næði að blöffa mig held ég.. efast samt um að Björn Ingi næði að blöffa mig sem DJ á Kofanum eða gítarleikari í ókind...

Nú veit ég af hverju konur hafa alltaf gengið í pilsum...


Af því að það er svo ógeðslega erfitt að finna á sig buxur.



Af hverju er ekki til nein buxnalína sem gefur út bækling þar sem eru myndir af alls konar konum, mismunandi í laginu, og upplýsingar um hvaða buxur henti hverri konu. EKKI HVERNIG konan þarf að vera til að passa í buxurnar! Látið mig vita ef það er til á Íslandi.

Þetta var pirringur dagsins.

Þú ert skráð(ur) í eftirfarandi námskeið:

05.29.14 Þýðingar (spænska) 2,5 Ólokið Maí 2006 1 Úrskrá
05.40.06 Íslensk setningafræði og merkingarfræði 2,5 Ólokið Maí 2006 1 Úrskrá
05.40.12 Íslenskt mál að fornu II 2,5 Ólokið Maí 2006 1 Úrskrá
05.40.50 Ritgerð til BA-prófs í íslensku 5 Ólokið Maí 2006 1 Úrskrá
05.99.99 Brautskráning í júní 0 Ólokið Maí 2006 1 Úrskrá

OMG!

Ársins

Blogg er miðill listanna, þ.e. alls kyns plús og mínus, best of, topp
fimm, topp tíu lista, og hér kemur listinn með alls kyns "... ársins"
2005:

Tónleikar ársins: Carlinhos Brown í Madrid í júní
Leiksýning ársins: Salka Valka í Borgarleikhúsinu (aðallega af því ég sá
fátt annað)
Bók ársins: Íslensk tunga I-III.
Ógeð ársins: Barnagælur
Óvænt ársins: Sigga ólétt
Barn ársins: Geir
Gamlingi ársins: Pabbi
Engill ársins: Ángel
Afrek ársins: að hafa stigið niður fæti í 6 löndum á árinu..og lifað það af
Brandarakall ársins: Höskuldur Þ.
Land ársins: úff.. hmm... Ísland
Ófætt barn ársins: Mímir
(Ófætt barn næsta árs: Tinnuhrogn)
Drykkur ársins: Caipirinha
Bíómynd ársins: La marche de l'empereur
Heimsókn ársins: Þura í Alcalá
Þjófnaður ársins: Á Indalo, skírdag, tösku rænt af Þuru
Nemendafélag ársins: Mímir
Uppákoma ársins: Kraptakvöld Mímis
Vonbrigði ársins: ekkert Mímisblað....enn
Íbúð ársins: Faxaskjól 20, kj.
Meðleigjandi ársins: Sigurrós
Blogg ársins:totalyodd.blogspot.com
Bloggfærsla ársins: 16. apríl hjá Orra
Flækja ársins: þessi
Takk ársins: minningabókin frá vinum mínum áður en ég fór út til Spánar
Jólagjöf ársins: Stóra orðabókin um íslenska málnotkun
Útsýni ársins: út um stofugluggann
Þæfing ársins: Ipóðataska Óla

..og svo bætist kannski eitthvað við.. þetta var fyrsta atlaga.

Hvað gerir konu yndislega í augum karlmanna?
Brot úr Leiðarvísi í ástarmálum II - fyrir ungar konur (Leturbreytingar mínar)
REYKJAVÍK
BÓKAFÉLAGIÐ NÝJA
1922

*Það sem gerir konuna yndislegasta í augum karlmanna er blíða hennar og yndisþokki, háttprýði hennar í allri framkomu, bros hennar, augnatillit og málrómur, fótatak og allar hreyfingar, ást hennar og næmur skilningur á öllu því göfgasta í tilverunni, fórnfýsi hennar og sjálfsafneitun, sem glöggast kemur fram hjá mæðrum við börn þeirra. Alt þetta myndar einskonar geislabaug, er sumar konur bera svo sýnilega með sér og hefir göfgandi en um leið töfra-mikil áhrif á karlmennina, vermir hjörtu þeirra og opnar þeim nýja heima og nýtt útsýni yfir lönd ástarinnar.


*Þú ættir altaf að nota ofurlítið af góðu ilmvatni í föt þín--minsta kosti sparifötin--en gæta þess, að gera það í hófi. „Hóf er best í hverjum hlut.“ Einnig er gott að bera góð ilmefni (hárvötn) í hárið við og við og núa því inn í hársvörðinn.

Hvorttveggja þetta hefir sín áhrif á karlmennina, því að þeim fellur það illa, að finna eldhúslykt eða fúkkalykt úr fötum þeirrar konu, sem þeir eru með á opinberum stað, t. d. í leikhúsi eða veitingahúsi.

*Til þess að geta orðið yndisleg í augum karlmanna, verður þú að vanda klæðnað þinn og þrifnað, þvi að óþrifin kona er andstygð siðaðra manna.

Þú mátt aldrei vera í óhreinum fötum, þegar þú ert eigi við óhreinlega vinnu.--Óhreinir morgunkjólar og svuntur eru hvimleiðir og það er óþrifnaður að snúa óhreinni svuntu við, og nota hana úthverfa.

*Næsta krafa, sem karlmenn gera til fata þinna er sú, að þau fari vel; sé eigi of lítil né of stór, og pilsin eigi óþarflega stutt.

*Sú kona, sem hirðir illa hendur sínar og andlit, gengur í óhreinum fötum, með flókið og strýslegt hár, óhreinar og stórar neglur, kartneglur, vörtur, fílapensa og bólur--verður aldrei yndisleg í neins manns augum.

*Þú mátt aldrei biðja karlmann að gefa þér sælgæti.

Þú ættir aldrei að fara á lakari danssamkomur, að minsta kosti eigi nema í fylgd með kunnugum karlmanni. Og á öllum danssamkomum skaltu gæta hæversku í hverju einu og eigi hlaupa eftir hverju ástleitnu auga né orði, sem að þér kann að beinast.

Það er afarljótt, þegar konur reykja og neyta áfengis í samkvæmum eða á veitingahúsum og það ættir þú aldrei að gera.

Það er eigi viðeigandi að kona fari ein síns liðs á skemtun, veitingahús eða kvikmyndahús, og það gera engar siðprúðar konur.

Gift kona ætti aldrei að fara í veitingahús eða skemtisamkomu að kvöldi dags með öðrum en eiginmanni sínum, skyldmenni eða venslamanni. Það er einnig óviðeigandi að gift kona sé á rápi á kvöldin um göturnar með hinum og þessum stelpum.

Það sæmir eigi konum að kaupa tóbak í búðum og áfengi getur engin kona verið þekt fyrir að kaupa.


Rödd þín og orðaval á mikinn þátt í því, hvort þú ert yndisleg í augum karlmanna eða ekki. Þess vegna er þér áríðandi að temja vel rödd þína og vanda vel orðbragð þitt. Mild og hljómfögur rödd, samfara ástríkum og fallegum orðum, bræðir klaka hinnar köldustu sálar. Temdu þér mildan og blíðan málróm, en því fegurri sem málrómurinn er, því vandaðra verður orðbragð þitt að vera. Falleg rödd og ljót orð eiga ekki saman.

Mér finst ástæða til að vara þig sérstaklega við orðskrípum eins og þessum: hvað hann sé „sætur“, „pen“, „lekker“; þetta eða hitt sé „vemmilegt“, „kedelegt“, „svart“, „brogað“; hvað „fríseringin sé óklæðileg“; hvað þessi kjóll sé „himneskur“ og að hrópa „almáttugur“ í annari hverri setningu.

Hvernig á að velja sér mann:

*Veldu þér eigin mann úr þínum flokki, reglusaman mann, sem hefir vit og vilja á að bjarga sér; ábyggilegan og geðprúðan mann, sem eigi er eitt í dag og annað á morgun, eða þýtur upp á nef sér út af smáatriðum daglega lífsins.--Láttu fríðleikann liggja milli hluta, en mannkosti mannsins og sameiginlega ást ykkar beggja um það, hvern þú velur þér fyrir eiginmann.



Þetta er dæmi um hvernig kona á að vera, og ætla ég að temja mér þessa siðu á næsta ári.

Gleðileg jól.

Kvikmynd lífs míns... leikstýrð af Woody Allen (hvers á ég að gjalda?)

Take this quiz at QuizGalaxy.com

Hann beit mig og bauð mér svo að binda nema og drepa hann svo. Ég fór í burtu grátandi.

Sá sem getur áttað sig á mynstrinu fær ort um sig fornyrðislag.

Vel á vondan

búin að eyða ógnartíma í að ná í mörgæsamyndina á netinu...

...svo er hún döbbuð á rússnesku...

Sagan af L

Gaman að mæta í skólann og sjá að háskólaballsplakötin eru komin aftur uppá vegg, L-stelpulaus! Nú er kominn flennistór L-límmiði sem hylur hálfnekt L-jólabeibsins, með stafnum L sem er ívið blóðrauðari að lit en félagi hans við hliðina á honum, sem minnisvarði um syndir þær sem hann hefur að geyma.

Jafnréttisfulltrúinn á hrós skilið fyrir þetta, það er ótrúlegt að auglýsa ball fyrir alla háskólanema landsins eða hér um bil með einhverri gæru klæddri í jólanærföt. Vorkenni þó í aðra röndina stúlkukindinni, kannski var það hennar æðsti draumur að verða einhvern tímann L-stelpa, svo er ekki seinna vænna en búið er að valta yfir hana með hundruðum L-límmiða.

Skráning heldur áfram í leppfélagið..

Hver vill ganga í leppfélagið?

Fyrsta próf búið.

"Rauða nefið hennar bar við himin"

??Þráðu litla lambið!